عنوان القصة: منفصله ولكن ..............عذراء . اضيف بواسطة : ياسمينه . بتاريخ: 27-2-1427هـ.
سلام عليكم انا فتاه عمري 23سنه اعصابي منهارة ما متحمله اي شي بدنيا بسبب ضروفي الشخصيه لقد تعذبت وانجرحت كثيرا من اجل الارتباط العائلي انا انسانه متدينه ومثقفه اعرف كل امور الحياة واكون قريبه من ربي دايما حتى انسى همومي واقرة قرءان بس الحزن مسيطر علي ما اقدر انسى جروحي 0كان عمري 17سنه وانخطبت لابن عمي الذي لم اكن احبه كنت احسو اخ عزيز بس اهلي خصبو علي بلقوة صرت مثل المجنونه حاولت اقنعهم باني لااستطيع ان ارتبط بشخص لااحس بئتجاهواي شعور ما اقدر افهمو بس مع اسف كلامهم كان قاسي انتي صغيرة ولا تعرفين مصلحتك استجبتو لهم ووافقت خصبا عني بعد مرور 8اشهر عطيت قراري وافقت عزواج وسلمت امري بيد الله ودعيت من الله يساعدني واحس بلحب وتفاهم تجاه ابن عمي وانخطبت واستمرت فتره الخطوبه 3 سنوات لم احس باي شي تجاه هذا الشخص لم اره طيله ال3 سنوات بس 5 مرات شفتو ومن بعيد ما كان يحاول يحكي معي او يقدم هديه حتى لوكانت ورده ما كان يفكر باي شي طلبت من اهلي ان افسخ الخطوبه لاني لااقدر ان اعيش مع شخص جامد وبدون احساس ومشاعر لان طبعي حنون واحب الشخص الي يفهمني ويحبني بس مافاد معهم اصروا ان ازوج ابن عمي وفعلا ازوجت ورضيت بكلشي وبقلبي اكول بلكد الله يحنن قلبي وقلبو ونحب بعض من خلا العشره وصله الرحم بس كان اعتقادي غلط ازوجت وظليت مع هذا الشخص 2سنتان ونصف ولم يحصل بيننا اي شي عشت معاه كاخت بنفس الغرفه لم يلمسني ابد حتى كلام ماكان بينا اي شي ولا لمسه ايد ولا صداقه حاولت معه بكل الاساليب وطرق بس ما فاد معه مع علم انا واعوذ بلله من كلمه انا كثير حلوة فطلبت منه يذكرلي السبب الي ميخلي يعرف يصرف معي كرجل كان يكلي انا مو مريض بس معاكي اخجل وحاولت اساعدة وحاولنا انتمم هذي العلاقه وبدون فائدة وكانه يوجد حاجز بيننا طبعا لااهلي ولا اهلو درو بهذا الموضوع كان بس بيني وبينو والعائله كانت تحسب كلشي تمام وكانو يسئلونا ليش ما صار عدنا ولد كنت اخجل وما اعرف اجاوبهم كنت اخجل اكلهم اني بعد عذراء ولم يحصل دخول وهذا كان اكبر غلط ارتكبتو مع نفسي وبعد 3 سنوات عرف الجميع انني عذراء وصارت مشاكل كثيره وابن عمي اتهمني باني عنيدة وما اخلي يلمسني كان انسان ذو وجهين معي كان يتكلم شكل ومع ناس يتكلم شي ثاني فصرت مثل المجنونه ضيعت شبابي من اجل اهلي وزعلهم وبتالي اخسر حياتي مع هكذا انسان مع علم هو محامي وبعدة بفتره طلبت منو ان يزوج بدون ما انفصل عنه لان عيب بس هو اصر ننفصل كان يكول حرام اظلين معلقه لازم اشوفين حياتك ومن جنت احكي لااهلي يرجع هو يكول والله هي طلبت مني الطلاق الله هو شاهد على كلامو ياعالم ياناس اني انتهيت احس نفسي ميته اريد اموت ما اريد اعيش بهذا العالم المليان غدر وخيانه وظلم وحسد يارب تاخذ حقي ياالله اتكلت عليك وفعلا راح للمحكمه وعمل اجراءات الطلاق بدون علمي وبدون علم اهلي واخذ كلشي مني ما صرف علي ولا فلس لا نفقه ولا متقدم ولا متاخر اخذ كل الذهب والملابس كان يكول لان انتي ما مرتي ما دخلت عليك فما يحقلكي تاخذين اي شي مني وهو المفروض يعطيني نص المهر ولكن حسبنا الله ونعم الوكيل وانا اريد اخذ حقي منو بلاخره ومااريد اي شي منو هسه ارجوكم ادعو لي ان اتحمل واصبر على هذي المعاناه جرحي كبير صار عندي عفده من زواج صار عندي خوف من الرجل ماتصورون مقدار الخوف الي بقلبي من بعد شهرين من انفصال ازوج هو واستعمل نفس الغرفه واثاث وذهب هذا نسان عديم المشاعر كنت امرض ويغمى علي ما كن يسئل علي يارب تاخذ حقي اللهم لااله الاانت سبحانك اني كنتو من ظالمين يارب تفتحها بوجهي يارب اشافيني من هذي العقدة وارزقني الزوج الصالح الذي يفهمني ويراعيني ادعو لي والله يجازيكم بكل الخير وسلام عليكم ورحمه الله وبركاتوه